Bismillahirrahmaanirrahiim..
Amun sudah tacabur,
haram babulik, tarusakan sampai kahujung . Prinsip nang kami bawa kamana-mana,
prinsip nang kami handung kamana-mana.
“Amun sudah tacabur,
haram babulik, tarusakan sampai kahujung”, sambatlah! Sambat lah kakawananku.
Sambil mangganggam tangan. Sambatlah!! Sambatlah nyaring-nyaring. Biarakan bumi
mandangar wan biarakan gamuruh angin manyampaiakan ka langit nang ka tujuh.
Biarakan langit taguncang mahabari ka saluruh jagat raya.
Amun sudah tacabur,
haram babulik, tarusakan sampai kahujung Dalas bakisut bagurai-gurai batis wan
tangan asal sampai katujuan! Walau
paribahasa dagu sudah tahantuk ka tanah. Walau paribahasa bapingkut di batang
salak nang baduri. Walau darah tacucur. Kawanku!! Cucurakan darah ka tanah,
supaya tanah jadi bukti parjuangan, parjuangan nang kada pajah sampai tanah wan
langit hancur di hari akhir!!
Kawan!! Bila ikam
sudah di midan perang, janga ba undur!! Tajak batis dalam-dalam, bapingkutan tangan
barataan sapadangsanakan!! Ingkuti kuat-kuat bandira parsatuan. Ilai kuat-kuat,
ilai tinggi-tingi… tajakkakanlah bandira parsatuan nang di agungakan di puncak
bulan.!!
